Deputación da Coruña | O presidente da Deputación da Coruña, Valentín González Formoso, recibiu hoxe na sede da institución provincial a un grupo de estudantes do programa Erasmus + procedentes da provincia italiana de Grosseto e acompañados da concelleira de Cultura e Educación do territorio, Olga Ciaramella.
O presidente deu a benvida ás mozas e mozos á provincia da Coruña, explicou o funcionamento o papel da Deputación no apoio aos concellos da provincia e invitounos a descubrir os múltiples atractivos patrimoniais, naturais, ou culturais que este territorio ten que ofrecer.
